Instalim i ynë Pse ka rëndësi
Kur bie rrjeti, bllokohet e gjithë puna: ndalojnë programet e faturimit, kasat, posta elektronike, kamerat dhe telefonat. Shumica e ndërprerjeve në biznese ndodhin për arsye fare të thjeshta: mungesa e një linje të dytë interneti rezervë, një kabëll i dëmtuar pa etiketë, ose një switch që askush nuk ia di fjalëkalimin.
Ne i ndërtojmë rrjetet që të përballojnë defektet pa ndërprerë punën. Me dy linja interneti, rënia e njërit operator nuk ndihet fare në zyrë. Me rrjete të ndara (VLAN), laptopi i një vizitori apo një telefon celular nuk ka kurrë qasje te serveri financiar i kompanisë.
Si punojmë në praktikë
Fillojmë duke inspektuar instalimin ekzistues dhe duke hartuar skemën reale të rrjetit. Ju propozojmë përmirësimet e nevojshme me çmime transparente dhe pa pajisje të panevojshme.
Instalojmë dhe testojmë gjithçka në terren, përfshirë testimin praktik të kalimit automatik të internetit. Në fund ju dorëzojmë dokumentacionin teknik të plotë dhe e integrojmë rrjetin në sistemin e monitorimit për mirëmbajtje sipas marrëveshjes.