Pse ka rëndësi
Rëndësia e një sistemi sigurie kuptohet vetëm kur ndodh diçka. Shpesh pikërisht atë ditë zbulohet që regjistruesi kishte ndaluar javë më parë, që alarmi ishte i fikur, ose që askush s’e di kush ka kaluar në hyrje.
Çelësat fizikë kanë të njëjtin problem: s’e di kurrë sa kopje qarkullojnë, dhe kur humbet njëri, ndërrohet e gjithë brava.
Çfarë instalojmë
Kamera që mbulojnë hyrjet, arkat dhe zonat kritike pa pika të vdekura, me regjistrues të llogaritur për periudhën që dëshironi (p.sh. 30 ditë). Access control me kartë ose gisht në dyer dhe alarme me sensorë lëvizjeje, dyersh dhe dritaresh.
Pjesa që na dallon: i lidhim të gjitha në një sistem. Një kartë hap të gjitha dyert ku ka leje, hyrjet regjistrohen në një vend, dhe nëse dëshironi, të dhënat e hyrje-daljeve shkojnë direkt në programin tuaj të pagave apo të orarit. Edhe pajisjet ekzistuese, sado të vjetra, i lidhim me software-in.
Për parkingje dhe hyrje këmbësorësh shihni edhe rampat dhe tripodët, që i lidhim me të njëjtin sistem kamerash dhe access control.
Si punojmë në praktikë
Vijmë në vend, shohim hyrjet dhe zonat që duhen mbrojtur, dhe ju propozojmë një plan me çmim të qartë. Pas instalimit e verifikojmë regjistrimin duke kontrolluar regjistrimin më të vjetër, dhe testojmë çdo derë dhe alarm.
Kur një punonjës largohet, ia heqim lejet me një klikim. Kamerat, regjistruesit dhe kontrolluesit mbahen nën monitorim, që nëse një kabëll shkëputet apo një kamerë fiket, ta dimë menjëherë.